مشاركتى فى مسابقة افضل مائده رمضانيه لعام 1434 هــ

الطبق الثالث : فراخ الاكييف مع ماكرونه بالبلونييز

المقادير :

صدور فراخ مخليه + تتبيله لنقع الفراخ + الغلاف (بيض – دقيق – قرمشه او بقسماط )


لحد هنا عادى المهم هنا الحشوه : مكوناتها 3 ملاعق زبده و3ملاعق جبنه او 3قطع جبنه كيرى وفصين ثوم وبقدونس مفروم ملح لومحتاج وضيفت شويه من الموزاريللا



الطريقه تنقع الفراخ وندخلها الثلاجه وبعد كدا نعد الحشو خلطت مقاديير الحشو مع بعضها

لحد ما الحشو تحسي انه كريمى نسيبه شويه يجمد فى الفريزر يجمد عشان ميبقاش طرى واحنا بنلف الفراخ نجيب قطعه من الفراخ ونحشيها قطعه من الزبده ونقفلها بالسواك من الجوانب ونغلفها زى البانيه بالظبط طبقة دقيق ثم بيض وبعدها قرمشه ونقليها



الماكرونه نسلق الماكرونه مع مرقة دجاج

نجهز الصوص البلونيز شوفت طريقتها على قناة فتافيت


بصله وفلفله وجزره وفصين او 3 ثوم ونفرمهم قطع صغيره جدا ومعجون 3 او 4طماطمايات وملعقة هريسه شطه وملح وزعتر وريحان نقلي البصل ثم الجزر وباقى المقاديير بالتتابع ونضييف التوابل ونسيبها تتسبك من نص لحد ساعه ريحتها بتبقى جنان




تالت صوره لما حطيت الهريسه ورابع صوره لما حطيت الطماطم وسيبتها تسبك



الصنف الرابع :

المشروب عصير رانى بالخوخ


المقادير نجيب كميه من الخوخ نقطع نصفها مكعبات صغيره والباقى قطع كبيره وسكر وماء

الطريقه : قطع الخوخ الصغيره نحطها على نار هاديه مع السكر ونقلبها ونخلط المقدار المتبقى فى الخلاط وبعد تقليب القطع الصغيره على النار نحس انها بقيت عامله زى الفواكه الكمبوت نضييف لها العصير الكميه الثانيه بس نصفيها عاوزين فقط العصير بتاع الخوخ ونسيبه شويه على النار ونطفى وبعد لما يبرد ندخله التلاجه بيبقى احلى من الرانى بتاع برا بجد










الطبق الخامس :


الحلويات طبق قطاييف محشوه بالباتسيير

المقادير حوالى عدد 8 من القطايف + سيرب + الحشوه




كريمة الباتسيير : مقاديرها 2 بيض 2 كوب لبن 2 ملعقة كبيره نشا 2 ملعقة كبيره لبن بودره فانييليا 4 ملاعق كبيره من السكر البودره


الطريقه :

نقفل القطايف على شكل قرطاس ونقليها وبعد القلى تنشل ونحليها فى السيرب ونحشيها بالباتسيير بعد كدا ونزوقها مكسرات مفرومه بس انا ملحقتش بصراحه

المهم طريقة الكريمه : نسخن الحليب مع اللبن البودره على النار ونضرب البيضتين مع الفانيليا والسكر بمضرب يدوى ونضيف عليها نص مقدار الحليب لما يدفا ونسيب النص التانى على النار لحد الغليان نكون احنا كملنا ضرب البيض مع الحليب وضيفنا النشا ونضرب لما يغلى الحليب نضيف المقدار على الحليب المغلى ومصفا ونقلب لحد ما يتماسك على نار هاديه طعمه حلو جدا



ملحوظه هو بيبقى مقدار الحليب كوبايه وكوبايه كريمه لبانى انا عشان كدا ضيفت لبن بودره يدى كثافه للحليب






الاطباق كلها موجوده فى الصوره مصورتش كل طبق لوحده عشان مكنش عندى وقت يا بنات معلش

وشكرا ليكم دى كانت مشاركتى ويارب تعجبكم مائدتى الصغيره


[/BACKGROUND]

تسلمى يا ام اسيل ومشاركات البنات كلها هنا فى القسم جميله ومتميزه واحلى حاجه الافكار الجديده اللى ممكن نتعلمها
وشكرا على التقييم

تسلم يدك على المائدةالجميلة

لكن كان ضروري تضيفي الطبق النهائي

موفقة باذن الله

ارسلي الصور لي او لشذى الغربة لإضافتها او حطيها في رد جديد
واحنا بنضيفها بس خبرينا اذا ضفتيها للموضوع
وفرغي صندوق الرسائل